Bryndís Klara Birgisdóttir lést af sárum sínum í gærkvöldi eftir alvarlega árás sem átti sér stað í miðborginni á menningarnótt. Hún var aðeins 17 ára gömul. Faðir Bryndísar, Birgir Karl Óskarsson, vonar til þess að samfélagið læri af þessum harmleik. Hann skrifar færslu inn á Stjórnmálaspjallið:
„Bryndís Klara er dóttir mín.
Hún var hjartahlýjasta og saklausasta mannveran sem hefur stigið á þessari jörð. Hún var of góð, trúði engu slæmu upp á aðra og var ljósberi fyrir alla sem henni kynntust.
Slíkar manneskjur eru í mestri hættu þegar ólíkir heimar skarast. Það sem ég sé í þessum hóp er kjarni málsins.
Nú þarf að hafa hátt og tryggja með skipulegum og úthugsuðum hætti, að þessi martröð, missir okkar og líf Bryndísar minnar muni leiða til betri veruleika fyrir íslenskt samfélag!
Click here to preview your posts with PRO themes ››
Þessi dýra og óbærilega fórn hennar, skal og verður að bjarga mannslífum.“
Piltur hefur verið úrskurðaður í gæsluvarðhald vegna málsins. Hann er 16 ára gamall og var handtekinn fljótlega eftir árásina. Bryndís Klara var ein þriggja sem varð fyrir árásinni en hlaut hún alvarlegustu áverkana.
Málið hefur vakið mikinn óhug og vakið athygli á nýjum raunveruleika á Íslandi þar sem ungmenni bera vopn og ofbeldishegðun hefur færst í aukanna.
