Þann 1. ágúst síðastliðinn kvað Héraðsdómur Reykjanes upp dóm yfir manni sem ákærður var fyrir sérstaklega hættulega líkamsárás og brot í nánu sambandi.
Manninum var gefið að sök að hafa aðfaranótt fimmtudagsins 2. febrúar 2023 veist að sambýliskonu sinni á þáverandi dvalarstað þeirra og slegið hana með krepptum hnefa í hægri kinn og í framhaldi slegið hana í aftanvert höfuð með glerkertastjaka.
Hlaut konan væga bólgu og roða á hægra kinnbeini, og mar, bólgu og 1 cm skurð á hvirfli, sem þurfti að sauma.
Maðurinn játaði brot sitt fyrir dómi samkvæmt ákæru og lýsti yfir iðrun.
Í læknisvottorði segir að ekki sé ástæða til að ætla að brotaþoli hafi aðrar líkamlegar afleiðingar af áverkanum en mögulegt ör í hársverðinum.
Maðurinn var dæmdur í átta mánaða skilorðsbundið fangelsi og til að greiða málskostnað upp á tæplega hálfa milljón króna.
Click here to preview your posts with PRO themes ››
Dóminn má lesa hér.
