Helgi Áss kjaftstopp: „Þetta ástand er niðurlægjandi fyrir Breiðholt“

„Það er í senn heiður og ábyrgð sem fylg­ir því að starfa í þágu borg­ar­búa sem kjör­inn full­trúi í borg­ar­stjórn. Stund­um verður maður þó kjaftstopp af sumu sem viðgengst í borgarpólitíkinni.“

Þetta segir Helgi Áss Grétarsson, varaborgarfulltrúi Sjálfstæðisflokksins, í aðsendri grein í Morgunblaðinu í dag. Þar gerir hann málefni stærstu skiptistöðvar landsins, Mjóddina, að umtalsefni.

Niðurlægjandi ástand

„Eitt af því er hræsn­in sem fylg­ir því að hlusta á orðagjálf­ur þeirra sem segj­ast vilja eyða miklu skatt­fé í að bæta al­menn­ings­sam­göng­ur en á sama tíma hafa sömu aðilar látið stærstu skiptistöð lands­ins, Mjódd­ina, grotna niður.“

Helgi bendir á að frá árinu 2015 hafi rekstur skiptistöðvarinnar verið á ábyrgð Reykjavíkurborgar og á undanförnum áratug hafi torgagerð í miðborginni, sem kostað hefur offjár, verið í lagi. Á sama tíma hafi ekki mátt eyða broti af þeim fúlgum til að bæta ástandið í Mjóddinni.

„Þetta ástand er niður­lægj­andi fyr­ir Breiðholt sem hverfi og móðgun við þá sem nota fjölförn­ustu skiptistöð Íslands,“ segir hann.

Salerni lokað og mölbrotnar hellur

Hann segir að þrátt fyrir ítrekaðar tilraunir hafi ekki gengið fyrir borgina að reka skiptistöðina í Mjóddinni með viðunandi hætti. Þannig hafi útboðsleiðin ekki gengið upp.

Click here to preview your posts with PRO themes ››

„Útkom­an er meðal ann­ars sú að mik­ill farþega­fjöldi skiptistöðvar­inn­ar breyt­ir því ekki að sal­erni stöðvar­inn­ar eru jafn­an lokuð. Það er tak­mörkuð eða eng­in þjón­usta í boði fyr­ir farþega. Inn­an­húss er hús­búnaður rýr í roðinu, gól­f­efni illa farið og á lóð skiptistöðvar­inn­ar eru gang­stétt­ar­hell­ur marg­ar hverj­ar möl­brotn­ar. Af­greiðslu­tími stöðvar­inn­ar hef­ur að meg­in­stefnu ekki fylgt sama tíma og akst­urs­tíma strætó. Örygg­is­gæsla er lítt sjá­an­leg, jafn­vel þótt full þörf væri á,“ segir hann.

Helgi rifjar upp að borgarfulltrúar Sjálfstæðisflokksins hafi um margra ára skeið lagt fram tillögur með það að marki að bæta ástandið í Mjóddinni. Þrátt fyrir ítrekaðar tilraunir hafi skollaeyrum verið skellt við þeim tilraunum og bendir hann á nokkur dæmi um það.

„Það er svo margt sem hægt er að gera bet­ur í rekstri Reykja­vík­ur­borg­ar. Knýj­andi þörf er á að breyta for­gangs­röðun í rekstr­in­um. Verja þarf tak­mörkuðu fjár­magni borg­ar­sjóðs í þágu grunnþjón­ustu. Skiptistöðin í Mjódd á að gegna veiga­miklu hlut­verki í slíkri grunnþjón­ustu. Sé eitt­hvað að marka orðagjálf­ur þeirra, sem telja mik­il­vægt að bæta al­menn­ings­sam­göng­ur á höfuðborg­ar­svæðinu, þá þarf að grípa núna til aðgerða svo bæta megi skiptistöðina í Mjódd.“