Lögregla hefur óskað eftir gæsluvarðhaldi yfir aðila sem handtekinn var í gær vegna rannsóknar á láti manns sem fannst þungt haldinn í Gufunesi á mánudagsmorgun og lést á sjúkrahúsi stuttu síðar.
Þrjú önnur eru í gæsluvarðhaldi. Stefán Blackburn, þekktur brotamaður, 34 ára að aldri, er einn þeirra. Einnig er í gæsluvarðhaldi 19 ára piltur sem tengist tálbeituhópum margnefndum. Mbl.is heldur því fram að þriðji aðilinn í gæsluvarðhaldi sé 37 ára gömul kona. DV hafði hins vegar fengið óstaðfestar fréttir um að þriðji aðilinn væri maður á þrítugsaldri.
Brotaþolinn var slæmur til heilsunnar
Samkvæmt mbl.is glímdi maðurinn sem fólkið varð að bana við veikindi og persónuleikaröskun. Hafði hann fengið aðstoð frá sveitarfélaginu til að sækja þjónustu frá stofnun nær daglega. Segir að maðurinn hafi verið mjög breyttur frá fyrri tíð og hegðun hans verið ófyrirsjáanleg undanfarin misseri. „Engar fregnir séu þó af því hann hafi sóst eftir kynnum við börn,“ segir í fréttinni.
Click here to preview your posts with PRO themes ››
Mbl.is staðhæfir að morðið á manninum hafi verið tálbeituaðgerð. Um hafi verið að ræða tálbeituhóp frá Suðurlandi sem ginnir menn til fundar undir því yfirskini að þeir séu að fara að hitta barnungar stúlkur.
Uppfært kl. 18:
Tvær konur og tveir karlar eru núna í gæsluvarðhaldi. Fimmti aðilinn, karlmaður, hefur einnig verið handtekinn vegna rannsóknar málsins og verður krafist gæsluvarðhalds yfir honum. Sjá nánar hér.
