Eins og kunnugt er var rætt um brottvísun palestínska drengsins Yazan Tamimi, úr landi, á ríkisstjórnarfundi sem lauk nú fyrir stuttu. Athygli vekur að þegar rætt var við suma ráðherra ríkisstjórnarinnar að loknum fundinum að þeir voru ekki alfarið á einu máli um brottvísunina.
Ljóst er að Yazan er í sérstaklega viðkvæmri stöðu þar sem hann þjáist af duchenne vöðvarýrnunarsjúkdómnum. Brottvísun hans úr landi er því þeim mun umdeildari en ella.
RÚV og Vísir ræddu við ráðherranna sem töluðu.
Ásmundur Einar Daðason mennta- og barnamálaráðherra sagði við RÚV að litlar líkur væru til þess að Yazan yrði fluttur úr landi fyrir næsta laugardag en verði það ekki gert þarf að taka málið til efnislegrar meðferðar að nýju þar sem þá verða liðnir sex mánuðir síðan að ákvörðun var tekin um að vísa drengnum úr landi. Ásmundur sagði að löggjöf vegna slíkra mála yrði að skoða í samhengi við Barnasáttmála Sameinuðu þjóðanna.
Bjarni Benedikstsson forsætisráðherra sagði hins vegar við bæði RÚV og Vísi að brottvísun Yazan standi. Það verði að fara að lögum en málið hafi eingöngu verið rætt á fundinum að beiðni ráðherra Vinstri grænna.
Click here to preview your posts with PRO themes ››
Mannúð-Lög
Guðrún Hafsteinsdóttir dómsmálaráðherra tók undir það með Bjarna í samtali við RÚV að lög í slíkum málum væru skýr.
Svandís Svavarsdóttir innviðaráðherra sagði við Vísi að vissulega eigi að fara að lögum en að mannúð skipti líka máli. Hún sagði við RÚV vilja að mál Yazan fái efnislega meðferð að nýju og hann og fjölskylda hans fái því að vera lengur á Íslandi.
Þeir ráðherrar sem rætt var við voru hins vegar sammála um að ríkisstjórnin hefði ekki lagaheimild til að afturkalla brottvísunina. Þeir vísuðu einnig fréttum um að stjórnarslitum hafi verið hótað á bug. Sigurður Ingi Jóhannsson fjármálaráðherra og formaður Framsóknarflokksins sagði hins vegar við RÚV að það væri titringur í baklandi flokkanna sem allir væru meðvitaðir um.
