Þann 14. mars var kveðinn upp dómur yfir manni, sem fæddur er árið 1996, í Héraðsdómi Norðurlands eystra.
Maðurinn var ákværður sérstaklega hættulega líkamsárás sem framin var aðfaranótt sunnudagsins 25. september árið 2022, við Strandgötu 3, Akureyri. Var hann sakaður um að hafa slegið mann með glerglasi í höfuðið með þeim afleiðingum að hann féll í jörðina, og í framhaldinu slegið hann þrisvar til fjórum sinnum í höfuðið, með þeim afleiðingum að brotaþoli hlaut 7 sm langan skurð á enni, brot upp úr jaxli vinstra megin og tönn í neðri gómi hægra megin brotnaði.
Ákærði mætti ekki fyrir dóm og var því kveðinn upp dómur að honum fjarstöddum. Var hann fundinn sekur um brotið og dæmdur í sex mánaða fangelsi.
Hann var jafnframt dæmdur til að greiða brotaþola 600 þúsund krónur í miskabætur.
