Sú ákvörðun Kirkjugarða Reykjavíkur að taka krossinn út í nýju lógói sínu og fyrirætlanir þeirra um að hætta að nota orðið „kirkjugarður“ fara mjög fyrir brjóstið á Sigmundi Davíð Gunnlaugssyni, formanni Miðflokksins. Sigmundur segir í stuttri færslu á Facebook-síðu sinni að allt sé að leysast upp í vitleysu þessa dagana:
„Kirkjugarðar Reykjavíkur eru orðnir hræddir við krossinn, ákváðu að breyta lógóinu og vilja helst ekki tala um kirkjugarða („you had one job”).
Auðvitað voru ekki allir sem jarðaðir eru í kirkjugörðum kristnir og sumir kjósa að vera grafnir annars staðar og vissulega er allt í lagi með það.
En hvers vegna er allt að leysast upp í einhverja vitleysu þessa dagana?“
Færsla Sigmundar Davíðs fær mikil viðbrögð en þegar þetta er skrifað hafa 875 lesendur gert tákn við hana. Ummæli undir henni eru um 150. Benedikt Sigurðarson andmælir honum og segir:
Click here to preview your posts with PRO themes ››
„Kæri SDG, ertu ekki aðeins að ruglast? Hvar býðst ókristnum legstaður „annars staðar“ – ? En þar sem krossinn og kirkjan eru með öll ráð?
Þetta snýst á endanum um að það verði rými fyrir okkur öll – og ég gæti fengið legstað án þess að krossmark væri á öllum pólum og hliðum og jafnvel á öllum næstu gröfum.
Undanfarið hefur eina leið þeirra sem vilja forða sér í eilífðinni undan krossmarki kirkjunnar að láta brenna sig og kasta öskunni á rúmsjó eða í óbyggðir.“
Miklu fleiri sem þarna taka til máls eru þó sammála Sigmundi Davíð og meðal þeirra er Einar Gíslason, sem skrifar:
„Þessir garðar eru allir vígðir og helgaðir. Kristnir menn hafa valið sér legstað í skjóli þess og vissu.
Það væri að mínu viti algerlega fráleitt af biskup og fulltrúum þjóðkirkju að samþykkja þessa vanhelgun.“
