Íraskur maður hefur verið sakfelldur fyrir andlegt og líkamlegt ofbeldi gegn eiginkonu sinni og elsta syni. Hann var ákærður fyrir misþyrmingar, andlegt ofbeldi og brot gegn nálgunarbanni. Fjölskyldan er aðflutt hingað frá Írak.
Í ákæruliðunum eru tilgreind mörg ofbeldisatvik, meðal annars þetta sem varðar ofbeldi mannsins gegn eiginkonu sinni:
„Með því að hafa þann 28. október 2020 á þáverandi heimili ákærða og A að […], í eldhúsi íbúðarinnar, slegið hana í vinstri upphandlegg hennar með fiskispaða, ógnað henni með hnífi og skorið með hnífnum í handarbak hægri handar hennar, en síðan eftir að sonur A og ákærða, B, skarst í leikinn og náði hnífnum af ákærða, dregið A á hárinu inn í svefnherbergi þeirra, læst, og þar inni hótað að drepa hana og bæði slegið og sparkað í líkama hennar, m.a. í kvið hennar og bak. Urðu afleiðingar háttsemi ákærða þær að A hlaut skurð á hægra handarbaki, mar á vinstri upphandlegg, verki í kvið og baki, eymsli yfir legi, auk mikilla blæðinga frá leggöngum.“
Almennt um ofbeldi mannsins gagnvart syni sínum segir þetta í ákæru:
Click here to preview your posts with PRO themes ››
„Fyrir stórfelld brot í nánu sambandi gagnvart syni sínum, B, kt. 000000-0000, framin á tímabilinu frá 1. október 2018 til 28. október 2020, með því að hafa, ítrekað, endurtekið og á alvarlegan hátt og sérstaklega sársaukafullan og meiðandi hátt, ógnað lífi, heilsu og velferð hans, með líkamlegu- og andlegu ofbeldi og með þeirri háttsemi sinni ítrekað misþyrmt og misboðið honum þannig að líkamlegri og andlegri heilsu hans var hætta búin, sýnt af sér vanvirðandi háttsemi, ruddalegt og ósiðlegt athæfi gagnvart honum og móðgað hann og sært m.a svo sem hér nánar greinir:“
Fylgja síðan lýsingar á fjórum atvikum þar sem maðurinn misþyrmdi syni sínum.
Maðurinn var fundinn sekur í öllum ákæruliðum. Hann hefur ekki gerst brotlegur áður og fékk vægan dóm, 18 mánaða fangelsi þar sem 15 mánuðir eru skilorðsbundnir.
Dóminn mál lesa hér.
