Eitt frægasta sakamál ársins, Gufunesmálið, verður að líkindum tekið fyrir í Landsrétti í febrúar á næsta ári.
Þeir Stefán Blackburn, Lúkas Geir Ingvarsson og Matthías Björn Erlingsson voru allir sakfelldir fyrir hlutdeild sína í andláti Hjörleifs Hauks Guðmundssonar, 65 ára gamals manns frá Þorlákshöfn, sem lést þann 11. mars, eftir að hafa fundist þungt haldinn á víðavangi í Gufunesi í Reykjavík.
Hlutu þremenningarnir þunga dóma í málinu, Stefán og Lúkas fengu 17 ára fangelsi en Matthías var dæmdur í 14 ára fangelsi.
Fyrirhugað er að málflutningur fyrir Landsrétti verði dagana 10., 11. og 12. febrúar. Ef þær dagsetningur standast má búast við því að Landsréttur felli sinn dóm í byrjun mars.
