Hamed M. H. Albayyouk, 42 ára gamall maður frá Palestínu, hefur verið dæmdur fyrir tilraun til manndráps, skammt frá heimili sínu við Skyggnisbraut í Úlfarsárdal.
Er Hamed sakaður um að hafa, miðvikudaginn 21. maí á þessu ári, veist með ofbeldi að öðrum manni, einnig Palestínumanni, utandyra við Skyggnisbraut, og stungið hann með hníf vinstra megin í brjósthol. Hnífurinn fór í gegnum rifbein, slagæð, vöðva, lungnaafleiðu og þind, ásamt því að fara í gegnum þverristil, með þeim afleiðingum að brotaþolinn hlaut lífshættulega áverka.
Árásin, sem var um hábjartan dag, vakti mikinn óhug í hverfinu og víðar. Vitnuðu íbúar um að ofbeldisverk í götunni væru algeng.
Brotaþolinn í málinu krefst fjögurra milljóna króna í miskabætur.
Fyrirtaka verður í málinu við Héraðsdóm Reykjavíkur þann 23. september næstkomandi. Verða þá lögð fram gögn í málinu og dagsetning á aðalmeðferð ákveðin.
