Rúmlega tvítugur maður var handtekinn á Akranesi laust eftir kl. 2 í nótt, á heimili sínu, grunaður um nauðgun gegn ungri stúlku. Þetta herma heimildir DV.
Samkvæmt sömu heimildum sótti maðurinn stúlku til Hafnarfjarðar í aðdraganda brotsins og ók með hana að heimili sínu á Akranesi þar sem meint brot átti sér stað.
Umræddur maður er á skilorði vegna brots sem varðar vörslu og dreifingu á barnaníðsefni. Annað nauðgunarmál gegn honum hefur einnig verið til rannsóknar undanfarið, það var fellt niður um tíma en nýlega var rannsóknin tekin upp aftur í ljósi nýrra gagna.
Óvíst er um aldur meints brotaþola en þó er staðfest að stúlkan er undir tvítugu.
DV hafði samband við þá Jónas Hallgrím Ottóson, lögreglufulltrúa á Vesturlandi, og Ásmund Kristinn Ásmundsson, yfirlögregluþjón við embættið. Þeir staðfestu báðir að kynferðisbrot á Akranesi væri til rannsóknar en sögðust ekki geta gefið meiri upplýsingar.
Click here to preview your posts with PRO themes ››
Ásmundur staðfesti þó að maðurinn hefði verið handtekinn og hann hefði enn verið í fangageymslu í morgun. Hafði hann ekki upplýsingar um hvort maðurinn er enn í haldi lögreglu.
