Eins og DV greindi frá í gær lést tónlistarmaðurinn Sigurður Kristinsson Æsland þann 22. júlí. Sigurður var einna þekktastur sem meðlimur í Sniglabandinu sívinsæla þar sem hann lék á trommur og gítar.
Sigurður, sem fyrir andlát sitt hafði glímt við langvarandi veikindi, lætur eftir sig eiginkonu og tvö börn og á auk þeirra þrjár uppkomnar dætur. Yngri börn Sigurðar eru föltuð og þurfa mikla ummönnun.
Auk sorgarinnar stendur fjölskyldan frammi fyrir miklum fjárhagserfiðleikum og hefur frænka Sigurðar, Sædís Ósk Harðardóttir, efnt til fjársöfnunar fyrir fjölskylduna, á reikningi ekkju Sigurðar, Ting Zhou. „Hann lætur eftir sig eiginkonu sem hann á 11 og 12 ára gömul börn með sem eru fötluð og þurfa gríðarlega mikla umönnun og svo þrjár eldri dætur frá fyrra hjónabandi. Þannig að þetta er mikið áfall fyrir þau,“ segir Sædís í samtali við DV.
Þeim sem vilja styðja fjölskylduna í þessum miklu erfiðleikum er bent á eftirfarandi reikningsupplýsingar, og minnt er á að margt smátt gerir eitt stórt:
Click here to preview your posts with PRO themes ››
Kt. 190788-4749 0189-26-008891
Í færslu sinni á Facebook um málið skrifar Sædís:
„Okkur langar að biðja um aðstoð fyrir þessa yndislegu fjölskyldu.
Þann 22. júlí lést Sigurður Kristinsson Æsland og lætur hann eftir sig eiginkonu, tvö börn sem eru fötluð og þurfa mikla umönnun og þrjár uppkomnar dætur.
Framundan eru því ýmis verkefni sem þarf að vinna og eins og allir vita þá eru útfarir ekki ódýrar. Siggi var búinn að glíma lengi við veikindi og því ekki vinnufær og Ting séð um börnin og þvi ekki verið að vinna.
Ef allir leggjast á eitt er hægt að hjálpa til því margt smátt gerir eitt stórt
Sýnum kærleik í verki og réttum fram hjálparhönd.“
