Jón Atli Magnússon, fjölskyldumaður í blóma lífsins, greindist með eitthvert banvænasta krabbamein sem fyrirfinnst, glioblastóm, en um er að ræða illkynja heilaæxli sem myndast úr stoðfrumum heilans.
Hér á landi er aðeins í boði grunnmeðferð gegn þessum sjúkdómi en víða erlendis er í boði framhaldsmeðferð þar sem beitt er lækningatækinu Optune Gio, sem hefur þá virkni að hægja á eða stöðva framleiðslu krabbameinsfruma. Meðferð með Optuine Gio er samþykkt í Svíþjóð sem viðbótarmeðferð við meininu. En Sjúkratryggingar Íslands telja meðferðina ekki vera brýna nauðsyn og hafa því synjað Jóni Atla um greiðsluþátttöku í meðferðinni.
Sjá einnig: Jón Atli er með banvænt heilaæxli – Sjúkratryggingar Íslands neita honum um meðferð sem getur lengt líf hans
Stofnaður hefur verið undirskriftalisti á Island.is þar sem skorað er á SÍ að breyta um afstöðu í málinu. Í texta áskoruninnar segir:
Click here to preview your posts with PRO themes ››
„Við undirrituð skorum á Sjúkratryggingar, heilbrigðisráðherra og alla þá sem völd hafa til að greiða leið Jóns Atla Magnússona í krabbameinsmeðferðina Optune Gio (sem og öðrum sem uppfylla skilyrði þess) í samstarfi við Svíþjóð. Gerum við kröfu um tafarlausa afgreiðslu málsins.“
Er þessi frétt var skrifuð höfðu tæplega 4.000 manns skrifað undir áskorunina.
Sjá nánar hér.
